Кичӱ изӱ айдыҥ 16 кӱнинде Алтыгы Талду jурттыста jайалталу jерлежистиҥ Владимир (Молойт) Солунович Туткушевтиҥ «Jодра jытту Алтайым» деп jайаандык туштажуныҥ баштапкы бӧлуги: ол Алтыгы Талду ӧзӧктӧ Четту Кобы деп jерге барып, учурлу четтерге jолыгып, кыйра буулап, бу jерди аҥылап салары болгон. Jаан улустыҥ айдыжыла, канду jууга атанар алдында, jиит уулдар jайдак аттарлу бу jерге келип, ады-jолдорын бу четтерге артыргызып салган. Олор удабай Алтайына буруларыс деп сананган. Jе канду jууда jер jaстанып jыгылгандар. Чет агаштар тыттар болуп калды. Черттип салган аттар, чобрага алдырып, темдек болуп артты. Албаты-jон бу jуу-чактаҥ арткан темдекти билип jӱрзин, агаштарды jыкпазын деп темирдеҥ аҥылу бичик бичип, jазал эдери jӧптӧлгӧн.
